O Proxecto Lector é unha iniciativa transversal na que participa todo o profesorado para promover hábitos de lectura. Este proxecto persegue fomentar o interese dos alumnos/as pola lectura en Lingua Castelá, Galego e Inglés ó tempo que procuramos:

• Mellora dos resultados académicos a través da mellora da calidade lectora dos alumnos/as.
• Mellorar a velocidade lectora dos alumnos/as e aumentar a capacidade de comprensión lectora.
• Fomentar o interese dos alumnos/as pola lectura.
• Implicar ás familias.
• Ofertar animación á lectura.
• Buscar recursos para ampliar os coñecementos adquiridos na aula: Novas Tecnoloxias.

A través das bibliotecas de Aula ofértase unha variada gama de títulos adaptados a todos os gustos e idades. Un fondo bibliográfico ó dispor de todos os cursos de Primaria para aumentar os índices de lectura e de comprensión, facendo visible a importancia de ler como necesidade social, educativa e cultural.

A interacción de cada neno con este medio rico en recursos literarios favorecerá, sen dúbida, a mellara das competencias lectoras e como resultado, a longo prazo, a mellorar os resultados académicos que é o obxectivo final do Proxecto Lector.

Este ano contamos coa visita de diferentes contacontos para Primaria e a celebración do Día do Libro con diferentes animacións e actividades de lectura con todo o alumnado do Centro.