A Orientación Educativa contribúe en gran medida á mellora da Calidade do ensino. É un dereito do alumno/a que debe concretarse nun conxunto de servizos e actividades que, postas á súa disposición, deben axudarlle a mellorar na súa escolaridade e a integrarse correctamente na Comunidade Educativa.

 

O Departamento de Orientación está formado por Dona Diana Campos Arcéiz, psicopedagoga e mestra especialista en pedagoxía terapéutica, Dona Laura Martínez Cancela, psicóloga e especialista en Orientación escolar e Dona Yanira Rodriguez Mera, mestra especialista en audición e linguaxe.

 

As funcións do Departamento de Orientación no Centro son as seguintes:

 

1.  Colaborar na prevención e pronta detección de dificultades ou problemas educativos, de desenvolvemento persoal e de aprendizaxe que presenten os alumnos/as, e a axeitada intervención para tratar de solventalos.

2. Colaborar na Orientación Escolar e Profesional individualizada dos alumnos/as, favorecendo procesos de decisión e madurez vocacional.

3. Realizar, no seu caso, a avaliación psicolóxica e pedagóxica dos alumnos/as e orienta-la escolarización daqueles que presenten necesidades educativas especiais ao comezo de cada Etapa Educativa.

 

O Plan de Actuación do noso Departamento contempla os seguintes obxectivos para  este curso:

 

A nivel de Centro:

 

1. Coordinar as tarefas de apoio que están a realiza-los alumnos/as con dificultades de aprendizaxe.

2. Coordinar as tarefas de atención á diversidade.

3. Asesorar tecnicamente en cuestións de adaptacións curriculares, intervención psicopedagóxica e programas de desenvolvemento grupal e individual.

4. Coordinar as actividades de atención a alumnos con Flexibilización escolar e/ou Sobredotación.

5. Traballo directo, unha hora á semana, cos grupos de ESO en Técnicas de Estudo, Valores, Hábitos de Vida Saudable e Habilidades Sociais.

6. Promover a cooperación entre o Centro e as Familias para unha maior eficacia e coherencia na educación do alumnado.

7. Apoiar aos titores/as na aplicación do Plan de Acción Titorial.

8. Asegurar a conexión do Centro co entrono: equipos específicos, asistencia social,…

9. Informar aos titores/as do material psicopedagóxico dispoñible para o seu traballo.

 

A nivel individual:

1.  Entrevistas individuais cos pais/nais que o soliciten ou que sexan consideradas necesarias polo titor/a, axudándolles diante do posible fracaso escolar dos seus fillos/as e procurando unha valoración máis global e unha actitude máis activa e responsable diante da situación.

   

    

2. Entrevistas individuais cos alumnos/as cando sexan precisas.

3. Analizar, co resto do profesorado, as dificultades escolares dos alumnos/as debidas ás deficiencias instrumentais, problemas de integración e buscar, se procede, os consellos e apoios necesarios.

4. Traballo directo con aqueles alumnos/as que precisen dun reforzo na lecto-escritura.

5. Traballar, a nivel individual e de grupo, con aqueles alumnos/as que o precisen.

6. Traballar individualmente cos nenos/as que necesitan unha formación específica en Técnicas Instrumentais Básicas (atención, concentración, memoria,…)

 

A nivel Familia:

 

1. Cooperar na relación titores/as-familias na solución de problemas que afecten aos seus fillos/as.

2. Orientar ás familias de xeito individual ou colectivo para que asuman  de xeito responsable a educación e orientación dos seus fillos/as.