Que é?

 

O Protagonista da semana é un Proxecto-Actividade que se leva a cabo na Etapa de Educación Infantil e na que participan moi directamente as Familias.

 

Ao redor desta actividade xiran varias accións do Proceso Educativo.

 

Como se desenvolve?

 

Cada semana, de luns a venres, unha/un alumna/o da aula convértese en Protagonista.

 

O venres comunícaselle á familia implicada que a/o súa/seu filla/o será o Protagonista da seguinte semana e, ao longo desa fin de semana, prestaranlle axuda á/o alumna/o para seleccionar as fotos que levará á clase.

 

As familias, no momento que lle axudan a seleccionar as fotos, explícanlle quen son as persoas que aparecen nelas, onde se fixo esa foto, que ocorreu, quen fixo a foto,….

 

Ao longo desa semana, na asemblea, a/o alumna/o contará a súa vida a través das fotografías. Con isto trabállase o vocabulario e a expresión oral, os membros da familia, os conceptos espacio, tempo, …

 

O Protagonista pode traer o seu xoguete favorito que terá que compartir, ao longo de toda a semana, cos seus compañeiros.

 

Dereitos e Deberes da/do Protagonista.

 

        – Ser a/o primeira/o na fila.

        – Facer pequenos recados.

        – Encargarse de recoller a plastilina.

        – Cambiar as fotos do tren para comprobar que alumnado falta ese día.

 

Para comezar esa semana tan especial, a mestra, elabora o libro de “El Protagonista de la Semana” que quedará de recordo ás familias como algo importante na vida da/do súa/seu filla/o.

 

As familias tamén participan.

 

As familias do Protagonista, ao rematar a semana, veñen á clase a contar un conto e organízanlles unha pequena merendola a todas/os as/os nenas/os da aula.